“‘O pranzo ‘e Pàsca”, un’altra bella lirica dell’artista Paolo Ferrillo declamata da sua sorella Gianna: versi dedicati al pranzo Pasquale delle famiglie di via Roma a Calvizzano. “In quel giorno, il forno di "Filumena 'e scirocco" diventava un luogo di "pellegrinaggio"

 

Paolo Ferrillo dedica i suoi versi al pranzo Pasquale di molti anni fa delle famiglie di via Roma. L'atmosfera creata dalle frenetiche attività ad esso legate, era "magica". Ogni famiglia preparava il proprio pranzo ma tanti momenti venivano condivisi: dai prestiti momentanei di alcuni utensili da cucina ("Va addu Siviella a verè si ha furnuto cu 'a scafarèa"; "puort' 'o stennapettole a' Ngiulina"; "addimanna a Filumena 'o furno a che punto stà") alla vera e propria "prestazione d'opera" che consisteva nell'aiutare a realizzazione una pietanza ("va addu Clotilde, dincelle ca tengo tutt' pronto, quanno tene tiempo m' vene a dda na mana a ffa 'a pastiera"). In quel giorno, il forno di "Filumena 'e scirocco" diventava un luogo di "pellegrinaggio"; i ruoti pieni di ben di Dio venivano messi in fila in attesa del proprio turno di cottura. Il vicolo brulicava di persone, l'andirivieni era frenetico, gli odori che fuoriuscivano dalle finestre erano deliziosi; via Roma, diventava un'unica grande cucina.

Ora non vi resta che ascoltarla

 

'O pranzo 'e Pàsca

stammatina nun te può movere.

stanno tutte 'ndaffarate.

è meglio ca nu dai fastirio,

ogge proprio n'è jurnàta

rint"o vico, 'a 'int"e feneste,

esce addore 'e cucinato,

i guagliuni stanno fora,

'e mamme l'hanna sucutato

s' mette 'int"o curtiglio

chi adda arrostere e ffa fummo,

va rint' addu Scirocco

chi adda cocere 'nt"o furno

ce sta chi corre mmiez"a via

pecchè 'a bombola è fernuta,

e chi invece s' arritira

pecchè ha già fatto 'a primma asciuta

'a signora 'e l'ove fresche

l'ha vennùte tutt' quante,

gira ancora p"e palazzi

pe recogliere " 'o contante"

chillo llà d"o grano cuotto

è ppassato pure ajere,

ra 'a tant'anni 'a stessa voce

" 'o grano, 'o grano p"a pastiera"

tutt"e tavole so' occupate,

è tanta 'a rrobba 'a priparà,

'e cucine, "riservate",

nisciuno ce s' po accustà

chi appripara 'o cundimento.

chi sistema 'a graunella.

chi sta a scegliere 'e verdure

e 'e mette rint"a zupparella

chi 'a carna ammacinata

l'apallottola cu 'e mmane

e chi invece mette l'uoglio

rint"o ruoto d"e patane

chi sistema 'e stanz"e pranzo,

chi mette 'o vino nfrisco,

ogneruno fa coccosa

pecchè chisto è 'o pranzo 'e Pàsca

ruoti 'e maccaruni

cu ricotta e purpettelle,

'e capretti rint''o furno,

patane e tracchiulelle,

'e pizze cu 'a ricotta,

'e rrote 'e casatiello,

'e carcioffole arrustute

cotte ncopp''e furnacelle,

'e mulignane 'a parmiggiana,

'e sasicce cu 'e friarielli,

'e fellate 'e capocuollo,

'o furmaggio, 'e muzzarelle,

'a nzalata cu 'e fenucchi,

'o vino rint''a giarretella

"chillo russo, 'e Mundraone"

comme dice 'a Pacchianella,

nu poco 'e frutta secca,

'o ccafè cu l'anasiello

e po 'a fine ce sta essa,

'a riggina d"a tavulata,

tutti aspettano 'a Pastiera

pecchè é Santa 'sta jurnata.